1 верасня 2023
Паважаныя жыхары Бешанковічы! Віншуем з Днём ведаў і пачаткам новага навучальнага года!
1 верасня прыносіць у жыццё кожнага з нас моцныя эмоцыі і самыя лепшыя ўспаміны, з першым званком вяртае звыклы рытм школьнага жыцця ў класы і навучальныя кабінеты. Дарослым свята нагадвае школьныя і студэнцкія гады, дзяцінства і юнацтва шчаслівай пары. Для дзяцей і моладзі гэта азначае яшчэ адзін крок да вяршыняў ведаў, сустрэчу з сябрамі і любімымі настаўнікамі.
Сёння асаблівая ўвага надаецца - першакласнікам, якія ўпершыню пераступілі школьны парог і зробяць першыя крокі на шляху ведаў. Са шчырымі словамі падзякі - настаўнікам яны пачынаюць новы этап высакароднай і адказнай работы па выхаванні маладога пакалення. Бацькам - мудрасці і цярпення.
Жадаем усім моцнага здароўя, невычэрпнай энергіі і ўпэўненасці ў сабе, поспехаў у вучобе і працы, дабрабыту і шчасця!
Галіна УНУКОВІЧ,
старшыня райвыканкама.