13 жніўня 2023
Паважаныя работнікі і ветэраны будаўнічай галіны!
Прыміце шчырыя віншаванні з прафесійным святам! Прафесія будаўніка — адна з самых ганаровых і паважаных у грамадстве.
За кожным будаўнічым праектам стаяць працавітыя і адданыя сваёй
справе людзі. Шаноўныя будаўнікі, менавіта вы закладваеце падмурак годнага жыцця, ад вас залежаць камфорт і ўтульнасць тых месцаў, дзе мы ўсе жывём!
У гэты дзень асаблівыя словы падзякі хочацца сказаць ветэранам
будаўнічай галіны рэгіёна. Ад вас моладзь пераймае ўсё лепшае, вучыцца працаваць на карысць свайго роднага краю і ўсёй краіны!
Няхай ваша праца дорыць радасць наваселля многім пакаленням нашых землякоў, становіцца годным летапісам дня сённяшняга.
Жадаем вам моцнага здароўя, удачы, аптымізму і новых прафесійных дасягненняў!
Галіна УНУКОВІЧ, старшыня раённага выканаўчага камітэта.
Генадзь ШВЕДАЎ, старшыня раённага Савета дэпутатаў.
