Паважаныя жыхары і госці Бешанковіцкага раёна!
Прыміце самыя шчырыя віншаванні з галоўным дзяржаўным святам краіны - Днём Незалежнасці Рэспублікі Беларусь і 79-годдзем вызвалення Беларусі ад нямецка-фашысцкіх захопнікаў!
Гэта нацыянальнае свята аб'ядноўвае ўсіх, хто сваёй стваральнай працай умацоўвае росквіт і незалежнасць краіны. Нізкі паклон гераічнай доблесці нашых франтавікоў і тылавікоў, партызан і падпольшчыкаў, якія заваявалі свабоду для свайго народа!
Сёння кожны з нас сваёй працай уносіць важкі ўклад у сацыяльна-эканамічнае развіццё краіны. Разам мы ствараем уласную будучыню і будучыню нашых дзяцей. Мы непераможныя, калі мы разам.
Наш святы абавязак памятаць і шанаваць мужнасць і самаахвярнасць нашых дзядоў і прадзедаў, захоўваць мір, умацоўваць нацыянальную бяспеку і суверэнітэт беларускай дзяржавы.
З Днём Незалежнасці вас, дарагія землякі! Здароўя, дабрабыту і шчасця, стабільнасці і поспехаў у працы ў імя працвітання роднага краю!
Галіна УНУКОВІЧ, старшыня райвыканкама
Генадзь Шведаў, старшыня раённага Савета дэпутатаў