Прыёмная райвыканкама
Адно акно
Звароты грамадзян і юрыдычных асоб
Прамая тэлефонная лінія
Афіцыйныя дакументы
Адзіны дзень інфармавання
Аукцыёны
Віншаванні кіраўніцтва раёна
28.01.2022
Упершыню за шматгадовую гісторыю археалагічных даследаванняў артэфакты, знойдзеныя на стаянцы Асавец-2, вярнуліся ў Бешанковіцкі раён пасля навуковай апрацоўкі ў акадэміі навук. Выстава «Скарбы Крывінскага тарфяніка» змяшчае экспанаты, знойдзеныя на раскопках у мінулым годзе. Гэта фрагменты посуду, ракавінак, косткі жывёл і птушак, крамянёвыя адшчэпы, наканечнікі стрэл, скрабкі…
На адкрыцці новай экспазіцыі прысутнічалі пачэсныя госці – загадчык аддзела археалогіі першабытнага грамадства Інстытута гісторыі Нацыянальнай акадэміі навук Беларусі, кандыдат гістарычных навук Максім Міхайлавіч Чарняўскі, навуковыя супрацоўнікі аддзела Марыя Іванаўна і Алег Юр’евіч Ткачовы, а таксама дырэктар ДП «ПалітаддзелецАгра» Аляксандр Іванавіч Камовіч (дадзенае сельгаспрадпрыемства заўсёды аказвае навукоўцам пасільную дапамогу).
Новая выстава – нібы своеасаблівае акно ў мінулае. Экспанаты расказваюць пра тое, у што верылі, як жылі, што шанавалі людзі мнулых стагоддзяў. Экспазіцыя будзе доўжыцца да 6 сакавіка.
"Зара"
