22.03.2018

Сярод многіх сумных падзей ВАВ трагедыя Хатыні заўсёды займала асаблівае месца - Валодзін

Сярод многіх сумных падзей Вялікай Айчыннай вайны трагедыя Хатыні заўсёды займала асаблівае месца. Гэта адзначаецца ў пісьме старшыні Дзяржаўнай думы Федэральнага сходу Расіі, старшыні Парламенцкага сходу Саюза Беларусі і Расіі Вячаслава Валодзіна, прысвечаным 75-й гадавіне з дня трагедыі ў Хатыні, якое паступіла ў адрас старшыні Савета Рэспублікі Міхаіла Мясніковіча, паведамляе БЕЛТА.

"Сярод многіх сумных падзей Вялікай Айчыннай вайны трагедыя беларускай Хатыні заўсёды займала асаблівае месца. Масавае забойства 149 жыхароў гэтай вёскі стала сімвалам беспрэцэдэнтнай бязлітаснасці і бесчалавечнасці фашызму. Лёс Хатыні ў гады вайны спасціг 186 беларускіх вёсак. Горыч і боль тых падзей назаўжды засталіся ў памяці нашых народаў", - адзначаецца ў пісьме.

"Аб гэтай трагедыі мы памятаем і сёння, праз тры чвэрці стагоддзя, і будзем рабіць гэта ў далейшым. Важна не дапускаць яе забыцця, разам процідзейнічаць скажэнню нашай гісторыі, спробам апраўдаць забойцаў і садыстаў, каб дагадзіць палітычнай кан'юнктуры. Толькі так мы зможам абараніць цяперашняе і будучыя пакаленні ад паўтарэння такіх злачынстваў зноў, захаваць мір і спакой на нашай зямлі", - лічыць Вячаслаў Валодзін.