Рэспубліканская акцыя ДАІ "Зробім дарогу бяспечнай!"

              У мэтах мінімізацыі негатыўных тэндэнцый у сферы бяспекі дарожнага руху і папярэджання дарожна-транспартнага траўматызму ўразлівых удзельнікаў дарожнага руху з 15 па 24 лютага 2019 г. Дзяржаўтаінспекцыя правядзе рэспубліканскую прафілактычную акцыю «Зробім дарогу бяспечнай!».

              Прафілактычныя мерапрыемствы закліканы ў чарговы раз звярнуць увагу пешаходаў, веласіпедыстаў і возчыкаў на неабходнасць няўхільнага выканання правілаў бяспечных паводзінаў на дарозе.

              У перыяд акцыі ДАІ арганізуе шырокую інфармацыйна-тлумачальную працу сярод насельніцтва, у працоўных калектывах і ўстановах адукацыі аб прычынах і наступствах ДТЗ з уразлівымі ўдзельнікамі дарожнага руху, правілах бяспечных паводзін, у тым ліку на пешаходных пераходах, адказнасці за ўчыненыя правапарушэнні, а таксама аб правілах і эфектыўнасці выкарыстання святлоадбівальных элементаў і камізэлек павышанай бачнасці.

              Запланавана правядзенне рэйдавых мерапрыемстваў з прыцягненнем супрацоўнікаў  міліцыі  па адпрацоўцы ў "гадзіны пік" і ў цёмны час сутак нерэгуляваных пешаходных пераходаў і аварыйна-небяспечных участкаў. Маршруты патрулявання нарадаў ДПС ДАІ будуць перагледжаныя і набліжаныя да месцаў масавага перамяшчэння пешаходаў, а таксама ўчасткаў аўтамабільных дарог і вуліц населеных пунктаў, найбольш схільнай рызыцы здзяйснення наездаў.