Пагадненне аб супрацоўніцтве падпісана паміж Інстытутам гісторыі НАН Беларусі і Бешанковіцкім райвыканкамам

На канферэнцыі падпісана Пагадненне аб супрацоўніцтве паміж дзяржаўнай навуковай установай “Інстытут гісторыі Нацыянальнай акадэміі навук Беларусі” і Бешанковіцкім райвыканкамам.

За значны асабісты ўклад у захаванне гісторыка-культурнай спадчыны Бешанковіцкага раёна шэраг нашых землякоў узнагароджаны Падзякамі Інстытута гісторыі НАН Беларусі і Цэнтра даследаванняў беларускай культуры, мовы і літаратуры НАН Беларусі. У іх ліку і старшыня райвыканкама Галіна Унуковіч.

Ганаровай граматай райвыканкама за асабісты ўклад у вывучэнне першабытнай гісторыі Бешанковіччыны адзначаны загадчык аддзела археалогіі першабытнага грамадства, кіраўнік штогадовых археалагічных раскопак на тэрыторыі памятніка археалогіі – стаянкі “Асавец –2” Максім Чарняўскі.

Падзякамі старшыні райвыканкама — дырэктар Інстытута гісторыі НАН Беларусі Вадзім Лакіза, намеснік дырэктара па навуковай рабоце Цэнтра даследаванняў беларускай культуры, мовы і літаратуры НАН Беларусі Аляксандр Бараноўскі і вядучы архівіст аддзела дзяржархіва Віцебскай вобласці Антон Юпатаў.

Пасля пленарнага пасяджэння пачалася праца па секцыях «Бешанковіччына ад старажытнасці да 1917 года», «Бешанковіччына ад 1917 года да сучаснасці» і «Звязаныя лесам з Бешанковіччынай».