На выхадныя дні ДАІ Бешанковіччыны ўзмоцніць кантроль за выкананнем ПДР

У гэтыя выхадныя дні ў мэтах забеспячэння бяспекі дарожнага руху Дзяржаўтаінспекцыя Бешанковіччыны ўзмоцніць кантроль за выкананнем правілаў дарожнага руху як кіроўцамі, так і пешаходамі.

   Супрацоўнікі ДАІ арыентаваны на выяўленне вадзіцеляў, якія кіравалі транспартам у стане ап'янення, грэбуюць хуткаснымі рэжымамі, правіламі абгону і праезду пешаходных пераходаў. У сферы асаблівай увагі інспектараў апынуцца і парушэнні правілаў выкарыстання сродкаў пасіўнай бяспекі - моташлемаў, рамянёў бяспекі, святловяртальных элементаў.

    Дзяржаўтаінспектары заклікаюць усіх быць як мага больш уважлівымі на дарозе і выконваць ПДР.

"Зара"