У сераду, 10 лютага, Дзяржаўтаінспекцыя Бешанковіччыны правядзе комплекс прафілактычных мерапрыемстваў «Флікер - твая абарона!», якія будуць накіраваныя на папярэджанне дзіцячага дарожна-транспартнага траўматызму.
Акцыя ў чарговы раз нагадае пра неабходнасць выканання правілаў бяспечных паводзін на дарозе, аб правілах і карысці нашэння флікераў у цёмны час сутак і ва ўмовах абмежаванай бачнасці.
  Супрацоўнікі ДАІ сумесна з навучэнцамі старэйшых класаў правядуць рэйдавыя мерапрыемствы, дзе будуць выяўляць парушальнікаў, якія не клапоцяцца пра сваю бяспеку. Разам з навучэнцамі сярэдняга звяна дзяржаўтаінспэктары правядуць заняткі па вырабе флікераў. А для самых маленькіх удзельнікаў дарожнага руху інспектары падрыхтуюць конкурсы і віктарыны.