12.10.2023

13 кастрычніка ДАІ Бешанковіч правядзе комплекс прафілактычных мерапрыемстваў "Вадзіцель-пешаход: зносіны па правілах!"

З пачатку года на Віцебшчыне зарэгістравана 26 ДТЗ з удзелам непаўналетніх (у 2022 годзе - 31), у якіх адно дзіця загінула,30 - атрымалі раненні. 12 з іх - дзеці-пешаходы.

Каб не дапусціць такіх трагедый, Дзяржаўтаінспекцыя Бешанковіччыны правядзе 13 кастрычніка комплекс прафілактычных мерапрыемстваў "Вадзіцель-пешаход: зносіны па правілах!", накіраваных на прафілактыку ДТЗ на пешаходных пераходах.

У рамках мерапрыемстваў, супрацоўнікі ДАІ правядуць прафілактычныя гутаркі, а таксама арганізуюць рэйдавыя мерапрыемствы ля пешаходных пераходаў.

“Зара”